Өскеменде тағы бір әдемі аллея пайда болады
Астана, Потанин мен Қашаубаев көшелерін байланыстыратын аллеяда жөндеу жүріп жатыр.
Биыл Өскемен қаласын абаттандыру бойынша ауқымды жұмыстар басталды, деп хабарлайды Altainews.kz тілшісі.
- Биыл Қазақстан көшесін абаттандыру, Потанин мен Қашаубаев көшелерін жалғастыратын аллеяны жөндеу, орталық универсам алдында жаңа сквер салу, 30 ауланы абаттандыру, Защита ауданындағы стадионды жөндеу, сондай-ақ биыл талай жылдар бойы жөндеусіз тұрған саябақ-скверлерді жөндеу (Өскемен аллеясы, Комендатка өзені бойындағы демалыс орны, «Нұрлы жол» саябағы, Протозанов көшесі бойындағы Үлбі жағалауы) жұмыстары жоспарланған. Қазір 10 жоба бойынша жұмыстар басталып кетті. Жұмыстар қала күніне орай аяқталады деген сенімдеміз, - деді Өскемен қаласының әкімі Жақсылық Омар.
Осы орайда айта кетейік, Потанин көшесіндегі Астана мен Қашаубаев көшелерін байланыстыратын жаяу жүргіншілерге арналған жол талай жылдар бойы жөндеу көрмеген. Жарық бағаналары мен жаяужол тақталары әбден тозып кеткен.
Бұл аймақ енді әдемі аллеяға айналады. Бір апта бұрын жөндеуді бастаған «Desing Pro» ЖШС 5 мың шаршы метр аумақты қамтитын жұмыстарды қыркүйек айына дейін аяқтауы керек. Мұнда жаңа орындықтар, қоқыс жәшіктері мен жарық шамдары орнатылады.
Оқи отырыңыз
