Өскемендік кәсіпкер арнайы спорттық киімдер тігеді

ШҚО кәсіпкерлік және индустриялық-инновациялық даму басқармасы

8.06.2024, 19:00 162 Назерке Каримова

Облыс орталығының тұрғыны Саят Бауыржанұлы ісін дөңгелету үшін мемлекеттен жеңілдікпен несие алған.

Сөйтіп қазір отандық өнім, қазақстандық Altay outwear брендін дамытуға мықтап кіріскен, деп хабарлайды Altainews.kz тілшісі.

Оған бұл идея Оңтүстік Кореяда жұмыс істеп жүрген кезде келген екен. Өзі де бала кезден тігіншілікке қызығатын ол

– Біраз жыл бұрын Оңтүстік Кореяда жарты жылдай болып, жұмыс істеп қайттым. Сол кезде байқағаным, түрлі дүниелерді, киімдерді тігіп, бренд ретінде сатып жатыр. Оны кез келген жерде, тіпті көшеден де табуға болады. Өте қолжетімді. Сонда маған неге өзіміздің брендті жасамасқа деген ой келді. Елге қайтқаннан кейін бірден осы іске кірісіп кеттім, – дейді жас кәсіпкер.

Содан бері Саят куртка, шалбар, сөмке және тіпті шатырлардың дизайнын жасай бастады. Өз дизайнын ойлап тауып, өзі үшін және достары үшін тіге бастаған ол кейін біртіндеп тапсырыс ала бастаған.

Алғашқы бұйымдарды үйде қарапайым тігін машинасында тігетін. 2022 жылдың басында Астанада өткен Ulttyq Ónim көрмесіне қатысты.

- 2023 жылы кәсіпкер бизнесті одан әрі дамыту мақсатында жылдық 2,5%-бен 5 млн теңге көлемінде несие алды, - деп мәлімдеді ШҚО кәсіпкерлік және индустриялық-инновациялық даму басқармасы. – Кәсіпкер жеңілдетілген несиенің шамамен 3 млн теңгесіне маталар мен фурнитура алып, тағы 1,2 млн теңге тігістерді жапсыруға арналған арнайы машинкаға жұмсалды. Оның бірегейлігі - матаны тігіп қана қоймай, тігісті желімдейтін арнайы таспасы бар. Содан кейін киім су өткізбейді. Қазақстанда осындай екі машина ғана бар.

2023 жылдың қазан айында кәсіпкерлікті дамыту жөніндегі 2021-2025 жылдарға арналған ұлттық жоба аясында грант жеңіп алды.

- Outdoor киімдерін тігу үшін мүлдем басқа үлгілер мен технологияларды қолданылады, - дейді жас кәсіпкер Саят.

Қазір бұл брендің киімдеріне Instagram парақшасы арқылы тапсырыс беруге, сондай-ақ Алматы мен Шымкенттегі офлайн-дүкеннен сатып алуға болады

Оқи отырыңыз

Өскемендік кәсіпкер бренд киім тігуді қолға алды Аягөзде тігін цехы ашылды Өскемендік кәсіпкер ескі киімдерді жаңа үлгіде тігеді Оңтүстік Кореяда жалданып жұмыс істеп жүрген қазақстандықтардың саны өсіп барады Ою-өрнегімен көмкерілген бешпет, шапандары көз тартады

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу

« қазан 2024 »
Пн	Вт	Ср	Чт	Пт	Сб	Вс
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31