Күршім ауылында жылу құбырлары жөнделіп жатыр
Фото: depositphotos.com
Күршім ауданының орталығында тозығы жеткен жылу желілерін жөндеу басталды, деп хабарлайды Altainews.kz тілшісі.
Облыстық энергетика және тұрғын үй-коммуналдық шаруашылық басқармасының хабарлауынша, құбырлардың тоттануы, тесілуі және жарылуы салдарынан жылу азайып, қыста ғимараттардағы ауа температурасы төмендеп келген.
– Әлеуметтік нысандар мен көпқабатты үйлерді сапалы жылумен қамту үшін мердігер ұйым 1,8 км құбырды (тозуы – 97%) жөндеуде. Бұл жұмыстарды дер кезінде аяқтау тұрғындарды тұрақты жылумен қамтуға, әлеуметтік тұрақтылықты арттыруға ықпал етеді. Сонымен қатар бұл жұмыстар Күршім ауылының жылу жүйесіндегі технологиялық апаттардың қаупін азайтады, – деп жазылған аталмыш басқарманың Instagram желісіндегі ресми парақшасында.
Оқи отырыңыз