Шығыс Қазақстан облысының Кәсіпкерлер палатасында Сауда және интеграция министрінің кеңесшісі Мамед Қалдыбаевтың қатысуымен Сауда және қызмет көрсету кеңесінің отырысы өтті, деп хабарлайды Altainews.kz тілшісі.

Бизнес қауымдастығына сауда саласындағы цифрландыру жобасы – UTMT (Urban Trade Management Technologies) таныстырылды. Бұл IT-жоба логистикалық және ақпараттық шешімдерді қамтиды, сондай-ақ сауда мен халыққа қызмет көрсету процестерін оңтайландырады.

Жоба жасаушылардың айтуынша, UTMT – бұл онлайн-алаң, онда өндірушілер, дистрибьюторлар мен жеткізушілер өз тауарларын дүкендерге тиімді бағамен ұсынады. Дүкендер мен сауда нүктелері әртүрлі жеткізушілерден қажетті тауарларды бірден тапсырыс бере алады, төлем мен жеткізу әдістерін таңдай алады.

Айта кету керек, жоба әлі де әзірлеу кезеңінде, бірақ оның кейбір бөліктері сынақтан өтті және практикалық интеграцияға дайын.