Өскеменде Абай ескерткішіне гүл шоқтары қойылды (видео)
Өскеменде Абай Құнанбайұлының ескерткішіне гүл шоқтарын қою рәсімі өтті.
Салтанатты рәсімге Шығыс Қазақстан облысының әкімі Ермек Көшербаев пен зиялы қауым өкілдері, қала тұрғындары қатысты, деп хабарлайды Altainews.kz тілшісі.
«Біріңді қазақ бірің дос, Көрмесең, істің бәрі бос» деген қазақтың бас ақыны Абайдың ғибраттарын, кемеңгерлік кеңестерін өмірімізде лайықты пайдалануымыз қажет екенін атап өтті Қазақстан Жазушылар одағы Шығыс Қазақстан облыстық филиалының директоры Әлібек Қаңтарбаев.
Еске салайық, Абай күні – Қазақстан Республикасының мерекелік күнтізбесіне енген күн. Үкімет Қаулысымен 10 тамыз Абай күні болып белгіленді. Бұл мереке 2020 жылы аталып өтілген Абай Құнанбайұлының 175 жылдық мерейтойының қарсаңында бекітілді.
Қуаныш Рахметоллаұлы
