Еліміздегі барлық мектеп асханалары тексеріледі
Фото: depositphotos.com
Премьер-министр Олжас Бектенов Маңғыстау облысындағы мектеп оқушыларының жаппай улануына қатысты тапсырма берді, деп хабарлайды Altainews.kz тілшісі үкіметтің баспасөз қызметіне сілтеме жасап.
Премьер-министр Олжас Бектенов Мұнайлы ауданынының Бесшоқы ауылында балалардың улануына байланысты денсаулық сақтау, оқу-ағарту министрлерін, Маңғыстау облысы әкімінің есептерін тыңдады.
– Бүгінде 460 бала дәрігерлердің бақылауында, оның 83-і ауруханаға жатқызылды, 2 бала жансақтау бөлімінде. Зардап шеккендердің барлығы, оның ішінде жансақтау бөліміндегі балалардың жағдайы тұрақты, – делінген хабарламада.
Оқиға орнында Оқу-ағарту министрлігі Балалардың құқықтарын қорғау комитетінің өкілдері жұмыс істеп жақаны айтылды. Зардап шеккендерге және олардың отбасыларына қолдау шараларын көрсету бойынша жұмыстар жүргізіліп жатыр. Тәулік бойы штаб жұмыс істейді.
Аталмыш мектепте тергеу жұмыстары жүргізіліп жатыр. Кінәлілер жауапқа тартылады.
– Ауру ошағын оқшаулау және жою шараларын күшейту үшін өңірге «Қоғамдық денсаулық сақтау ұлттық орталығы» ШЖҚ РМК «Санитариялық-эпидемиологиялық сараптама және мониторинг ғылыми-практикалық орталығы» филиалының мамандары жіберілді. Үкімет басшысының тапсырмасы бойынша, бір ай ішінде республикадағы барлық мектептердің асханаларында санитариялық-эпидемиологиялық талаптардың сақталуына мониторинг жүргізіледі. Ол мектептегі тамақтанудың қауіпсіздігін қамтамасыз ету және мұндай жағдайлардың қайталануына жол бермеу шараларын күшейтуге бағытталған, – деп хабарлайды үкіметтің баспасөз қызметі.
Оқи отырыңыз
Жаңаөзенде жұмысшылардың жаппай улануына қатысты қылмыстық іс қозғалдыСу тасқынынан келген залалды бағалау бойынша тапсырма берілдіГазбен қамтуға қатысты арыз-шағым көп – Олжас БектеновҚаза тапқан кеншілердің балаларына барлық қажетті қолдау көрсетіледі"Кез келген жағдайға дайын болыңыз". Бектенов жаңа министрге тапсырма берді
