ШҚО-ның шағын кәсіпкерлері жылу үшін қайта есептеу жүргізуді сұрайды
ШҚО-дағы «үй жанындағы» дүкендердің иелері Экономикалық тергеулер департаментіне жылу төлемдерін қайта есептеу мәселесін шешуге көмектесуін сұрады, деп хабарлайды Altainews.kz тілшісі ШҚО Кәсіпкерлер палатасының баспасөз қызметіне сілтеме жасап.
«Үй жанындағы» дүкендердің шамамен 50%-ы жылуға есептеу құрылғылары орнатылмағандықтан, жалпы тариф бойынша төлем жасап келеді.
– Жеке кәсіпкерлер коммуналдық қызметтерді заңды тұлғалар тарифімен төлейді. Алайда, жылуды есептеу құрылғылары – жалпыүйлік мүлік және оны орнату жеке кәсіпкерлерге байланысты емес. Неліктен оларға да жылу төлемін жеке тұлғаларға арналған тариф бойынша қайта есептемеске? – дейді ШҚО Сауда кәсіпорындары қауымдастығының төрағасы Владимир Бердник.
ШҚО Экономикалық тергеулер департаменті бұл мәселе бойынша шағын бизнес өкілдері үшін жылу энергиясы құнын қайта есептеу ережелеріне өзгерістер енгізу туралы ұсыныстарды Энергетика министрлігіне негізделген түрде ұсынуға болатынын атап өтті.
Оқи отырыңыз
