Облыстық мәслихаттың кезекті сессиясында төраға Денис Рыпаковтың есебі тыңдалды. Онда өз проблемаларын жеткізген азаматтардың мәселелерін шешу үшін депутаттар түрлі органдарға 267 депутаттық сауал жолдағаны белгілі болды, деп хабарлайды Altainews.kz тілшісі.

Баяндамашы есепті кезеңде  облыстық мәслихатының  облыс әкімі аппаратымен, басқармалармен, департаменттермен, қалалық, аудандық әкімдіктермен және мәслихаттармен, қоғамдық ұйымдармен, саяси партиялармен, облыс халқымен тығыз өзара іс-қимыл жасағанын атап өтті.

Белгілі болғандай, сайлаушылар 328-ден астам проблемалық мәселені жеткізген. Мәселелер халықтың тыныс-тіршілігінің барлық аспектілеріне қатысты болған, оның ішінде медициналық қызмет көрсету, әлеуметтік-мәдени нысандарды жөндеу, елді мекендерде балалар мен спорт алаңдарын салу, кентішілік жолдарды қалпына келтіру, интернет байланысын жолға қою сияқты мәселелерге қатысты сұрақтар болды.