«Азаматтарға арналған үкімет» мемлекеттік корпорациясының Шығыс Қазақстан облысы бойынша филиалы пәтер иелеріне тіркеуден шығару тәртібін еске салады, деп хабарлайды Altainews.kz тілшісі.

Бұл қызметті электрондық үкімет порталы, екінші деңгейлі банктердің өтініштері және Халыққа қызмет көрсету орталығына бару арқылы жүзеге асыруға болады.

Егер тұрғын үй иесі Халыққа қызмет көрсету орталығына келіп, тіркеуден шығару рәсімін таңдаса, ол өзімен бірге жеке куәлігін алып келуі тиіс. Бұл куәлік арқылы ХҚКО операторы тұрғын үй иесін сәйкестендіре алады. Содан кейін, көрсетілетін қызметті алушы тіркеуден шығарылатын тұлғаның деректерін көрсетіп, тіркеуден шығару туралы еркін түрде өтініш жазуы қажет. Бұл қызмет 30 минут ішінде жүзеге асырылады.

Еске сала кетейік, ХҚКО қызметін алу уақытын алдын ала брондауға болады. Ол үшін «ХҚКО» мобильдік қосымшасын қолдануға мүмкіндік бар. Қосымшаны Google Play және App Store дүкендерінен жүктеуге болады. Мобильдік қосымша арқылы электрондық кезек талонын алуға, жақын маңдағы ХҚКО-ның орналасқан жерін табуға және қажетті ақпаратпен танысуға мүмкіндік беріледі.