Риддердегі жол тазартатын техника тәулік бойы жұмыс істеуде
Қалада қалың жауған қарға байланысты Риддер қаласы әкімдігінің тапсырмасымен жолдарды тазартатын арнайы техника тәулік бойы жұмыс істеп, қауіпсіз көлік қозғалысын қамтамасыз етуде, деп хабарлайды Altainews.kz тілшісі.
Қазіргі уақытта қалада барлығы 28 қар тазартатын және жол техникасы жұмыс істеп жүр. Негізгі күре жолдармен қатар көше жолдарын да қардан тазартуда. Мамандар жол жағдайын бақылауда ұстап, кез келген ауа райы қолайсыздығына қарамастан жедел әрекет етуге әзір.
- Ауа райы күрт құбылса, тұрғындарға қиындық тудырарын түсінеміз. Сол себепті де толассыз жауған қарды жылдам тазарту үшін техника тәулік бойы жұмыс істеп жатыр. Жолдар қауіпсіз болып, тұрғындар қалада жүріп-тұруы қиын болмас үшін барлық күш-жігерімізді салып жатырмыз, - дейді Риддер қалалық ТҮКШ бөлімнің басшысы Рауан Құрметұлы.
Алдымен қаланың басты күрежолдары, қоғамдық көліктер жүретін жолдар, маңызды әлеуметтік нысандарға кіреберіс жолдар қардан тазартылуда.
Қала билігі тұрғындарға жолда абай болып, қауіпсіздік ережелерін қатаң сақтауды ескертеді.
Оқи отырыңыз
