Бір-екі күн ішінде Риддерде бір айлық қар жауды. Қар көшеде жүруді қиындатып, қала тұрғындарына біраз қиындық туғызды. Коммуналдық қызметтер жолдар мен тротуарлардан қарды қарқынды тазалай бастады, бірақ бір күнде қардың бұндай мөлшерін тазарту қиын болды, деп хабарлайды Altainews.kz тілшісі.

Риддер ТҮКШ бөлімінің басшысы Рауан Құрметұлы қаладағы жолдарды қысқы күтіп ұстаумен «Эталон» фирмасы айналысатынын айтты. Оның айтуынша, қар тазалауға 20-ға жуық техника жұмылдырылған. Бірінші кезекте қоғамдық көлік жүретін орталық көшелер тазаланады, содан кейін техника тұрғындар өтінімі бойынша тротуарларды, әлеуметтік нысандар мен аудандарды тазартуға жіберіледі. 

Осы уақытта қала тұрғындары қар тазалау жұмыстарын белсенді талқылап, түрлі пікір білдіруде. 

Қар көп жауған кезде қала мен коммуналдық қызметтер тұрғындарды толерантты болуға және мүмкіндігінше үйлеріне іргелес аумақтарды қардан тазартуға үлес қосуға шақырады.