«Таза Өскемен» кәсіпорнының қызметкерлері қала көшелерінде қар тазалау және шығару жұмыстарын жалғастыруда. Естеріңізге сала кетейік, 13-14 желтоқсан күндері облыс орталығында толассыз қар жауып, тұрғындар мен коммуналдық қызметкерлерді әбігерге салғанын хабарғана болатынбыз.

Қазір қаладағы шағын көшелерде, тротуарлар мен шалғайдағы шағын аудандарда әлі қар тазаланбаған, деп хабарлайды Altaynews тілшісі.

Бұл туралы "Таза Өскемен" ШЖҚ КМК мәлімдеді.

Сондай-ақ "Таза Өскемен" КМК келтірген деректерге сүйенсек,  қаладағы қардан тазартуға жататын автожолдар мен көшелердің жалпы ұзындығы-773,6 километрді құрайды. Қалада барлығы 600-ге жуық аялдама пункті және 400 ұйымдастырылған жаяу жүргіншілер өткелі бар.

Десе де, жұмыс тоқтап қалмайды. Әлі де кәсіпорынның барлық ресурстары іске қосылып, кезек-кезек көшелерді қар құрсауынан босатылатын болады.