Құрметті Өскемен қаласының тұрғындары мен қонақтары!

Шығыс Қазақстан облыстық тарихи-өлкетану музейінде маңызды тарихи оқиға орын алды. Ежелгі дала өркениетінің көрнекті ескерткіші – түркі қағанының алтыннан жасалған бейнесі музей қорын толықтырды. Бұл құнды жәдігерді ШҚО Тарбағатай ауданындағы Қаған кешенінен белгілі археолог, т.ғ.д., профессор Зайнолла Самашевтің жетекшілігімен археологиялық қазба жұмыстары барысында тапқан.

Заманауи ғылыми-танымдық жаңғыртпасын жасаған суретші, этнограф-қарутанушы Қалиолла Ахметжанның еңбегімен, бұл жәдігер музейіміздің «Ұлы дала алтыны» залында арнайы көрмеге қойылды.

Көрме сіздерді түркі дәуірінің ұлы мәдениеті мен рухани мұрасымен жақынырақ таныстырып, ата-бабаларымыздың тарихи мұрасының құндылығын сезінуге шақырады. Ежелгі билеушілердің салтанатын бейнелейтін бұл баға жетпес жәдігерді көруге асығыңыздар!

Мекенжайы: Шығыс Қазақстан облыстық тарихи-өлкетану музейі, Өскемен қаласы.
Көрме мерзімі: Қараша айының соңына дейін.
Уақыты: Күн сайын 10:00-ден 18:00-ге дейін.