«Қазгидромет» РМК хабарлауынша, алдағы күндері Өскемен қаласында ауа сапасына әсер ететін қолайсыз метеорологиялық жағдайлар болжанып отыр.

Қолайсыз метеорологиялық жағдайлар дегеніміз не?
Бұл – атмосфералық ауаның төменгі қабатында зиянды ластаушы заттардың жинақталуына ықпал ететін қысқа мерзімді табиғи факторлар жиынтығы. Олардың қатарына:

• тымық ауа райы,
• жеңіл жел,
• тұман,
• инверсия жатады.

Тұрғындарға ұсыныстар:

• Көшеде ұзақ уақыт болудан және физикалық белсенділіктен аулақ болыңыз;
• Мүмкіндігінше терезелерді жабыңыз және үйіңізді желдету үшін ҚМЖ аяқталған уақытты таңдаңыз;
• Денсаулығыңызға байланысты шағымдар болса, дәрігерге жүгініңіз.