Техникалық және кəсіптік білім беру ұйымдарының студенттері арасында қазақ тілі мен əдебиеті пəнінен Қанипа Бітібаева атындағы III Республикалық олимпиада жəне колледж педагогтері арасында КСРО халық ағарту ісінің үздігі, Қазақстан Республикасының еңбек сіңірген мұғалімі Асқар Ислямов атындағы «Үздік педагогикалық эссе» II Республикалық байқауы өтеді,- деп хабарлайды Altainews.kz тілшісі.

2024 жылғы 11 желтоқсан күні II Республикалық байқауының ашылуы өтеді. Байқауға Астана, Алматы қалаларынан, Жамбыл, Ақтөбе, Қызылорда, Түркістан, Павлодар, Қарағанды, Ақмола, Алматы, Абай, Шығыс Қазақстан облыстарынан техникалық және кәсіптік білім беру ұйымдарының педагогтері мен студенттері қатысады.

Іс-шараның мақсаты:

• Талантты және шығармашылық педагогтерді анықтау;
• Педагог мамандығының беделін арттыру;
• Бірегей педагогикалық тәжірибені тарату;
• Білім алушылардың теориялық білімі мен тәжірибелік шеберлігін тереңдету;
• Дарынды білім алушыларды анықтау;
• Қазақ тілі мен әдебиеті пәндері бойынша білімдерін жетілдіру;
• Ұлттық құндылықтарды дәріптеу.

Өткізу орны: Өскемен қаласы, Қ.Сәтпаев даңғылы 55, Шығыс Қазақстан облыстық драма және оперетта театры
Өткізу уақыты: 2024 жылғы 11 желтоқсан, сағат 10:00.

11 желтоқсан күні байқаудың І жəне ІІ кезеңдері «Абай атындағы Шығыс Қазақстан гуманитарлық колледжі» КМҚК, Өскемен қ., Қанипа Бітібаева көшесі, 1 мекенжайында өтеді.

Байқау және олимпиада жүлдегерлері Қазақстан Республикасы Оқу-ағарту министрлігінің дипломдарымен марапатталады.