Қазақстандағы хоккей клубтарының әрқайсында шығыстан шыққан хоккейшілер бар. Биыл бұл бағыттағы дамыту жұмыстарына 890 млн жұмсалған. Бұл туралы Өскеменде БАҚ өкілдерінің қатысуымен өтіп жатқан брифинг барысында айтылды, - деп хабарлайды Altainews.kz тілшісі. 

Өскеменде хоккей спортына арналған арнайы үлкен Спорт сарайы бар және оған қосымша он корт жұмыс істеп тұр. Жыл сайын хоккейшілер саны артуда. Қызығушылық артып келеді. Көпшілікке мәлім, өңірдің белді зауыты «Казцинк» ЖШС үнемі қолдау көрсетуді тоқтатқан емес. 

Тек облыс орталығында ғана емес, аудандарда мықты хоккей командалары бар екені айтылды. Мәселен, Зайсанда да хоккей жақсы дамыған, алайда зайсандықтар тек қыс мезгілінде хоккеймен айналыса алады. Сонымен қатар Риддер мен Алтайда да бұл спорт ерекше басымдылықпен дамытылуда.