«Қазселденқорғау» ММ ШҚ филиалының мәліметі бойынша, қар жамылғысының тұрақсыздығына байланысты 2024 жылдың 30 желтоқсаны мен 2025 жылдың 2 қаңтары аралығында Шығыс Қазақстан облысының таулы аудандарында қар көшкіні жүру қаупі сақталады, - деп хабарлайды Altainews.kz тілшісі.

ШҚО ТЖД мамандары бұл уақытта тауға барудан бас тартуды және қар көшкіні қауіпі бар аймақтардан аулақ болуды ұсынады. Атап айтқанда, көшкін қаупі бар ошақтар автомобиль жолдарына да қауіп төндіреді. Сондықтан, бұл аймақтарға жақындаған кезде тоқтап қалмаңыз, қауіпті аймақтан тезірек өтіп кетуге тырысыңыз.

Қар көшкініне тап болған жағдайда немесе басқа төтенше жағдай туындаса, барлық жедел қызметтерге «112» бірыңғай нөмірі арқылы хабарласуға болады. ТЖ қызметтері кез келген уақытта көмек көрсетуге дайын.