Шығыс Қазақстан облысында Өскемен – Таулы Үлбі – Северное бағытындағы жолдың 30-60 шақырым аралығы 4 қаңтар сағат 20:00-ден 5 қаңтар сағат 07:00-ге дейін уақытша жабылды.  

Мамандардың мәліметінше, қар көшкіні қаупі туындағандықтан, көлік қозғалысы тоқтатылды. Бұл шешім жол қозғалысы қатысушыларының қауіпсіздігін қамтамасыз ету мақсатында қабылданған.  

Қазіргі уақытта тек жол қызметтерінің арнайы техникаларына ғана қозғалысқа рұқсат етілген.  

ШҚО тұрғындары мен қонақтарына уақытша шектеулерге түсіністікпен қарауды сұрайды.