Риддер қаласындағы Абай көшесінде орын алған өрттен 1975 жылы туған ер адам құтқарылды,- деп хабарлайды Altainews.kz тілшісі.

Өрт бесінші қабаттағы пәтерде шыққан, нәтижесінде жиһаз бен жеке заттар жанып кеткен. Өрт сөндірушілер келгенге дейін ер адамды көршілері пәтерден шығарып үлгерген.

ШҚО ТЖД мамандары түтінге толған жоғарғы қабаттан азаматты эвакуациялап, оны жедел жәрдем қызметіне тапсырды. Өрттің жалпы аумағы 10 шаршы метрді құраған. Алдын ала болжам бойынша, өрттің шығуына мас күйде темекі шегу себеп болған.

ШҚО Төтенше жағдайлар департаменті тұрғындарға қауіпсіздік ережелерін қатаң сақтауды ескертеді:

• Үйде темекі шекпеу;
• Өрт қауіпсіздігі талаптарын сақтау;
• Қауіпті жағдайларда 112 нөміріне хабарласу.

Өрт қауіпсіздігі – сіздің және жақындарыңыздың өмірі мен денсаулығының кепілі.

Дереккөз/видео: ШҚО ТЖД