ШҚО: Жастардың қысқы спортқа қызығушылығы артты (видео)
Шығыс Қазақстан облыстық дене шынықтыру және спорт басқармасы мен облыстық білім басқармасының мамандары Өскемендегі тау-шаңғы базаларының бірінде Тарбағатай ауданынан келген балалар мен «Үміт» балалар үйінің тәрбиеленушілеріне шаңғы және сноуборд тебу спортын үйретуге арналған жаттығу жұмыстарын ұйымдастырды, деп хабарлайды Altainews.kz тілшісі.
Қатысушылар қысқы демалыстарын қызықты әрі пайдалы өткізгендеріне қуанышты. Олар спорттық шарадан алған әсерлерін жарыса жеткізді.
— Есімім Ержүрек, жасым 12-де. Маған қатты ұнап жатыр, көңіл-күйім өте жақсы, — деді жас спортшы қуанышын жасырмай.
— Менің атым Ерали. Жасым 11-де. Маған тау-шаңғы базасы қатты ұнады. Шаңғы тебуді жақсы көремін. Бізді осылай демалыс күндері шаңғы тебуге жіберген мұғалімдерге алғысым шексіз! — деп бөлісті тағы бір қатысушы.
Шара барысында балалар сноуборд пен шаңғы тебудің қарапайым әдістерін меңгеріп, болашақта күрделі қозғалыс техникасын да дамытуға ниетті екендіктерін айтты.
Арайлым Орсаринова
Фото: видеодан скриншот
Оқи отырыңыз
