Шығыс Қазақстан облысында қар көшкіндерінің алдын алу мақсатында бірнеше жол учаскесі уақытша жабылды,- деп хабарлайды  Altainews.kz тілшісі.  

20 қаңтар күні сағат 09:00-ден бастап республикалық маңызы бар «Өскемен-Алтай» автожолының 46-66 шақырымына барлық көлік түрлеріне қозғалыс шектелді. Бұл туралы ШҚОФ «ҚАЖсервис» мекемесі хабарлады.  

Сағат 10:00-ден бастап облыстық маңызы бар «Өскемен-Тарғын-Самар» автожолының 95-102 шақырымында қозғалыс уақытша тоқтатылады. Аталған ақпаратты «ОблШығысЖол» мекемесі растады.  

Жолдардың ашылуы туралы ақпарат қосымша хабарланатын болады. Жүргізушілерге жол қозғалысы қауіпсіздігі ережелерін сақтау және бағытты алдын ала жоспарлау ұсынылады. Төтенше жағдайларда «112» нөміріне хабарласуға болады.