Бүгін Шығыс Қазақстан облысында бірнеше бағыттағы автожолдарда қозғалыс уақытша тоқтатылады, деп хабарлайды Altainews.kz тілшісі.

ШҚО ТЖД мәліметінше, 2025 жылғы 17 қаңтарда жергілікті маңызы бар Согорное-Барлық автожолында (1-25 км, Согорное ауылы - Барлық ауылы) қозғалыс жабылады. Жол 17 қаңтар сағат 17:00-ден 18 қаңтар сағат 08:00-ге дейін жабық болады.

«Қазселденқорғау» мекемесінің ұсынысы бойынша, 17 қаңтар сағат 18:00-ден 18 қаңтар сағат 06:00-ге дейін барлық көлік түрлеріне, жол техникасынан басқа, облыстық маңызы бар Өскемен – Тарғын – Самарское автожолында қозғалыс тоқтатылады.

Сондай-ақ 17 қаңтар сағат 17:00-ден бастап республикалық маңызы бар Алматы – Өскемен автожолының Калбатау – Өскемен учаскесінде қозғалыс жабылады.