19 қаңтардан бастап Шығыс Қазақстан облысындағы бірнеше автожолда қозғалыс уақытша тоқтатылады.  

«ОблШығысЖол» ЖШС-нің мәліметінше, 19 қаңтар күні сағат 18:00-ден бастап қар көшкіні қаупіне байланысты облыстық маңызы бар «Өскемен – Тарғын – Самар» автожолының 88-145 шақырымы (Тайынты ауылы – Самар ауылы аралығы) барлық көлік түрлері үшін жабылады.  

Сонымен қатар, ШҚО «КАЖ сервис» ЖШС филиалының хабарлауынша, 19 қаңтар сағат 19:00-ден бастап республикалық маңызы бар «Өскемен – Алтай – Үлкен Нарын – Катонқарағай – Рахман қайнары» автожолының 6-66 шақырымы (Ушанов ауылы – Серебрянск қаласына дейінгі аралық) барлық көлік түрлерінің қозғалысына уақытша шектеу қойылады.  
«ОблШығысЖол» ЖШС ақпараты бойынша 19.01. 18-00-ден бастап көшкін түсу қаупіне байланысты, автокөліктің барлық түрлері үшін «Өскемен-Тарғын–Самар» (88-145 км, Тайынты а.–Самар а.) облыстық маңызы бар а/ж барлық автокөлік түрлері үшін қозғалыс жабық.

2025 жылғы 19 қаңтар сағат 17:00-ден 20 қаңтар сағат 08:00-ге дейін көшкін қаупіне байланысты «Согорное – Барлық» (1-25 км, Согорное ауылы – Барлық ауылы) жергілікті маңызы бар автожолда барлық көлік түрлері үшін қозғалыс шектеледі.

Төтенше жағдайлар департаменті жүргізушілерді сақтық шараларын сақтауға, жолға шықпауды және ауа райының өзгерісі туралы ақпаратты бақылауға шақырады. 

Төтенше жағдайлар туындаған жағдайда 112 нөміріне хабарласыңыз.