ШҚО-да қар мен бұрқасын: тұрғындарға сақтық шаралары ескертілді
istockphoto.com
"Қазгидромет" ШҚ филиалының мәліметі бойынша, 24 қаңтарда түнде облыстың солтүстігі мен шығысында қар жауып, бұрқасын болады. Желдің жылдамдығы батыстан және солтүстік-батыстан соғып, 15-20 м/с-қа жетуі мүмкін, деп хабарлайды Altainews.kz тілшісі.
Тұрғындарға елді мекендерден тыс жерлерге шықпау, жолда сақтық шараларын сақтау және ауа райының қолайсыздығына байланысты қауіпсіздікке ерекше назар аудару ұсынылады. Жаяу жүргіншілер мен көлік жүргізушілері жарақат пен жол-көлік оқиғаларының алдын алу үшін барынша мұқият болуы қажет.
-Жел күшейген жағдайда жарнама қалқандары, ағаштар және электр желілерінің маңында тұрмау керек. Көлікті қауіпсіз орынға қою ұсынылады. Автожолдардың жай-күйі мен дауыл туралы ақпаратты «Дәрмен» мобильді қосымшасы арқылы алуға болады. Төтенше жағдайлар туындаған кезде «112» нөміріне хабарласу қажет,- делінген хабарламада.
Оқи отырыңыз
