Өңірде бүгін дауыл туралы ескерту жарияланды. "Қазгидрометтің" ШҚ филиалының ақпараты бойынша, 18 сәуірде түнде облыстың басым бөлігінде қар күтіледі, күндіз облыстың солтүстігінде, шығысында, оңтүстігінде жауын-шашын (жаңбыр, қар) болады.

Облыстың солтүстігінде, шығысында жаяу бұрқасын, көктайғақ. Жел батыстан, солтүстік-батыстан соғады, облыстың солтүстігінде, шығысында, оңтүстігінде желдің күші 15-20, екпіні 25 м/с-қа дейін жетеді, – деп хабарлайды  Altaynews тілшісі.

Өскемен қаласында жел батыстан, солтүстік-батыстан соғады, екпіні 15-20 м/с.

Синоптиктердің айтуынша, мұндай метеожағдайларда ғимараттар мен құрылыстар конструкцияларының дұрыс бекітілмеген элементтерінің құлауы, көлік қозғалысының қиындауы, көрудің нашарлауы, тайғақ жол жамылғысының пайда болуы қауіптің негізгі факторлары болмақ.

Автожолдардың жай-күйі, дауылды ескерту туралы ақпаратты "Дәрмен" тегін мобильді қосымшасын жүктеу арқылы білуге болады.

Төтенше жағдайлар туындаған кезде "112"-ге қоңырау шалу керек.