29 қаңтарда Шығыс Қазақстан облысында ауа райы нашарлайды. "Қазгидромет" филиалының ақпаратына сәйкес, солтүстік, батыс және шығыс аудандарда қар жауып, жаяу бұрқасын болады. Күндіз желдің екпіні 15-18 м/с-қа дейін жетеді деп күтілуде,- деп хабарлайды Altainews.kz тілшісі.

ШҚО Төтенше жағдайлар департаменті тұрғындарды ауа райының қолайсыздығына байланысты сақ болуға шақырады. Елді мекендерден тыс жерлерге сапарды кейінге қалдыру ұсынылады. Егер жолға шығу қажет болса, қозғалыс кезінде барынша мұқият болып, ауа райының нашарлаған жағдайында қауіпсіз орындарға тоқтауға кеңес беріледі.