Қазақстан Республикасы Ұлттық ұланының «Шығыс» өңірлік қолбасшылығы 5518 әскери бөлімінің әскери оркестрі «Жеңіске 100 күн» акциясы аясында Өскемен қаласындағы сауда кешенінде әскери жылдардың танымал әндерін орындады. Концертте «Нам нужна одна победа», «Черноглазая казачка», «Смуглянка», «День Победы» және басқа да әндер шырқалды,- деп хабарлайды Altainews.kz тілшісі.

Көрермендер оркестрдің өнерін жылы қабылдап, таныс әуендерге қосыла ән шырқады.

Бүгіннен бастап ҚР Ұлттық ұланының барлық әскери бөлімдерінде «Ұлы Жеңіске 100 күн» акциясы басталды. Бұл бастама Ұлы Отан соғысындағы Жеңістің 80 жылдығына арналған.

Акция аясында:

• ҰОС ардагерлеріне құрмет көрсетіледі, оларға әлеуметтік көмек беріледі;
• Мектептерде әскери-патриоттық шаралар ұйымдастырылып, челлендждер өткізіледі;
• Ұлттық ұлан ардагерлерінің қатысуымен жастарға әскери тәрбие беру бағытында кездесулер өтеді.

«Шығыс» өңірлік қолбасшылығының баспасөз қызметі