Бүгін Қазақстан-Американдық еркін университетінде жастар арасындағы экологиялық мәдениетті қалыптастыруға арналған студенттер жиыны өтті, деп хабарлайды Altainews.kz тілшісі.

Шара «Таза Қазақстан» республикалық акциясы шеңберінде өтіп, қоршаған ортаны қорғау мәселелеріне қызығушылық танытқан білім алушылардың басын қосты.

«Қоғамды экологиялық дамыту орталығы» қоғамдық қорының жетекшісі Танир Ясса жастардың экологиялық санасын жаңғыртып, табиғатты қорғауға шақырудың маңызын түсіндірді. Кездесу барысында «Таза Қазақстан» акциясы мен облыстағы білім беру ұйымдарында жүзеге асырылатын жобаларға арналған фильм көрсетілді.

Іс-шара студенттердің экологиялық түсінігін қалыптастыруда зор үлес қосты. Жиынға қатысушылар түрлі акцияларға белсенді қатысып, өңірдегі экологиялық жағдайды жақсартуға үлес қосуға дайын екендіктерін білдірді.

Ал ұйымдастырушылар мұндай шаралар экологиялық білімді арттырып қана қоймай, жастар арасында белсенді азаматтық ұстанымды қалыптастыруға септігін тигізетініне сенімді.

                                                                      Айжанат Бақытқызы

Фото: Аяужан Утеулинова