Алғыс айту күні: Өскеменде «Желтоқсан алауы» мемориалына гүл шоқтары қойылды
Бұл шара Тәуелсіз Қазақстанның қалыптасуына өлшеусіз үлес қосқан азаматтарға деген терең құрмет пен алғыстың символына айналды, деп хабарлайды Altainews.kz тілшісі.
«Желтоқсан алауы» мемориалы – 1986 жылғы Желтоқсан оқиғасын еске салатын маңызды орын. Ол кезде қазақ жастары өз құқықтары мен бостандықтарын қорғау үшін алаңға шыққан еді.
Салтанатты рәсімге Қазақстан халқы Ассамблеясының мүшелері, этномәдени бірлестіктер өкілдері, Достық үйінің қызметкерлері мен қала тұрғындары қатысты.
– Алғыс айту күні – бірлік, ынтымақтастық және өзара көмектің маңыздылығын еске салатын ерекше мереке. Бүгін біз тәуелсіз Қазақстанның өркендеуі жолында күрескен жандарға терең ризашылығымызды білдіреміз, – деді ШҚО ішкі саясат басқармасының басшысы Ернұр Бурахан.
Жиналғандар Желтоқсан қаһармандарын бір минут үнсіздікпен еске алып, мемориал түбіне гүл шоқтарын қойды.
Ержан Әбіш
Фото: Жәнібек Ырысбай
Оқи отырыңыз
Өскеменде Желтоқсан оқиғасы құрбандарын еске алу рәсімі өтті (Видео)Өскеменде желтоқсан құрбандарының рухына тағзым еттіҚасым-Жомарт Тоқаев қазақстандықтарды Алғыс айту күнімен құттықтадыБүгін соғыс басталған күн. Өскемендегі Даңқ мемориалына гүл шоқтары қойылдыҮлкен Нарын ауданының тұрғындары Қазақстан халқы Ассамблеясының 30 жылдығын атап өтті
