Халықаралық әйелдер күні қарсаңында Шығыс Қазақстан облысының әскери қызметкерлері Ұлы Отан соғысының ардагерлерін арнайы барып құттықтады, деп хабарлайды Altainews.kz тілшісі.  

ШҚО Қорғаныс істері жөніндегі департаментінің өкілдері аға буынның ел тарихындағы маңызды рөлін атап өтті.  

Ғасыр жасаған ардагер

Құттықталған ардагерлердің бірі – Александра Саратовцева. Ол соғыстан кейін балабақша мен училищеде жұмыс істеп, жас ұрпақты тәрбиелеуге үлес қосты. Оның ерен еңбегі ІІ дәрежелі «Отан соғысы» орденімен, «Сталинградты азат еткені үшін» және «Германияны жеңгені үшін»медальдарымен марапатталған.  

Блокадалық Ленинград қорғаушысы  

Әскери қызметкерлер сондай-ақ блокадалық Ленинградтың қорғанысында болған Анастасия Павловна Светочеваны құттықтады. Соғыстан кейін оның тағдыры Өскеменмен байланысты. Елін қорғаудағы жанқиярлық еңбегі үшін ІІ дәрежелі «Отан соғысы» орденімен марапатталған.  

ШҚО Қорғаныс істері жөніндегі департаментінің өкілдері ардагерлердің ерлігіне құрметпен қарайтындарын және оларды көктемнің шуақты мерекесімен құттықтау үлкен мәртебе екенін айтты.  

Дамир Омаров 

Фото: Нелли Петенева  

Видео: Даниил Суворов