Шығыста медициналық инновациялық кластер құру бойынша жұмыс жүргізілуде
Д. Серікбаев атындағы Шығыс Қазақстан техникалық университетінде медициналық инновациялық кластер құру бойынша жұмыстар жүргізілуде. Бұл туралы Үкімет отырысында ЖОО ректоры Сәуле Рахметуллина мәлімдеді, деп хабарлайды Altainews.kz тілшісі Үкіметке сілтеме жасап.
Ол Шығыс Қазақстан облысы металлургиялық аймақ екенін және жергілікті шикізатты пайдалана отырып, жоғары технологиялық өндірісті құру маңызды міндеттердің бірі екенін айтты.
- Бүгінде Д. Серікбаев атындағы ШҚТУ-да зерттеулерді, әзірлемелерді және өндірісті қамтитын медициналық инновациялық кластерді құру бойынша жұмыстар жүргізіліп жатыр. Био-үйлесімділік қасиеттері жақсартылған травматология, ортопедия саласындағы имплантаттар; имплантацияға арналған өнімділігі жақсартылған медициналық құралдар; онкологиялық аурулар кезінде протездеу үшін дербестендірілген имплантаттар жасау қолға алынған. Бұл жұмыстар облыстағы медициналық зерттеу орталықтары және кәсіпорындарымен бірлесіп жүргізілуде, — деп түсіндірді Сәуле Рахметуллина.
Оқи отырыңыз
ШҚО-да отандық ғылымның әлеуетін қолдануға баса мән беріледіАймақтарда экожүйені дамытуға назар аударылды – Сәуле РахметуллинаШҚТУ өңір экономикасын дамытатын коммерцияландыру жобаларын қолға алып отырШҚТУ-да «Лу Бань атындағы шеберхана» ашылады – ӨскеменШҚТУ «Astana Motors» компаниясымен меморандум жасасты
