ШҚО-да үздік жас робототехниктер мен программистер анықталмақ (видео)
Өскемен қаласында өткен ІТ-Чемпионат «SKILLS FOR GEEKS»-ке Шығыс Қазақстан облысының 13 ауданы мен бес арнайы мектебінен 18 команда қатысуда, деп хабарлайды Altainews.kz тілшісі.
Облыстың 224 оқушысы робототехника және бағдарламалау бойынша «SKILLS FOR GEEKS» ІТ-Чемпионатына қатысып, өздерінің дағдылары мен білімдерін көрсету үстінде.
Чемпионат ұйымдастырушыларының айтуынша, осы жарыстың басты мақсаты – оқушылардың таланттарын ашу, шығармашылық және интеллектуалдық қабілеттерін дамыту. Мұнда балалар практикалық тапсырмаларды шешуге, техникамен жұмыс істеуге және нақты кәсіби жағдайларға енуге мүмкіндік алады. Сондай-ақ бұл шара қатысушылардың қазіргі заманғы технологияларға, инновацияларға және инженерлік мамандықтарға деген қызығушылығын арттыруға бағытталған.
– Бүгін Өскемен қаласында «SKILLS FOR GEEKS» чемпионатының ашылу салтанаты өтті. Бұл чемпионаттың басталғанына сегіз жыл болды. Қатысушылар 10+ және 14+ жас категорияларында сынға түсуде. Алғашқы іріктеу кезеңі аудан және қалаларда өтті, бүгін облыстық кезең басталды. Негізгі бағыттар – робототехника, 3D-моделдеу және бағдарламалау. Балалар үш сағат бойы тапсырмаларды шешіп, өздерінің дағдыларын көрсетеді, кейін қазылар алқасы нәтижелерді қорытындылайды, – деді Шығыс Қазақстан облыстық «Örken» аймақтық ғылыми-әдістемелік орталығының директоры Сергей Коваленко.
Фестивальға қатысушы, Алтай қаласынан келген Родион Абдурахманов өз мақсатымен бөлісті:
– Робототехника бойынша жарысқа қатысып жатырмын. Мектепте бірінші орын алып, чемпионатқа жолдама алдым. Енді бірінші орынды жеңіп алып, республикалық чемпионатқа барғым келеді, – деді ол.
Жас ІТ мамандарын Шығыс Қазақстан облысының әкімі Нұрымбет Сақтағанов қолдап, цифрландырудың ел үшін маңыздылығын атап өтті.
– Қазіргі заманғы цифрлық технологиялар барлық салаға енуде, оның ішінде білім беру де бар. Біз тек уақыттан қалып қоймай, оны алдын ала білуіміз керек. Жасанды интеллект, киберқауіпсіздік, бағдарламалау – бұл тек сөздер емес, бүгінгі таңда бәсекеге қабілетті мамандарды даярлайтын нақты дағдылар, – деп атап өтті аймақ басшысы.
Ұйымдастырушылар мен қатысушылар осы чемпионат жастар арасында жаңа өнімдер мен қызметтер жасау саласындағы болашақ идеялар мен бастамаларды дамытуға ықпал етеді деп үміттенуде. Сонымен қатар жас өрендер өз болашақ мамандықтарын таңдауда көмек алады деп сенеді.
Дмитрий Чжан
Ержан Әбіш
Фото: Жәнібек Ырысбай
- ВКонтакте
- РћРТвЂВВВВнокласснРСвЂВВВВРєРСвЂВВВВ
- Telegram
- Viber
Оқи отырыңыз
Өскеменнің жас программистері "KILLS FOR GEEKS" облыстық чемпионатына жолдама алады.Өскеменде «Цифрлық Қазақстан» бағдарламасы аясында «Skills for geeks» облыстық чемпионаты өттіШығыста «WorldSkills Shygys» чемпионаты басталдыШығысқазақстандықтар жаңа технологияларды сынап көрмекIT- жобалар іріктелетін облыстық фестиваль өтеді — ШҚО
