Фермерлер агротуризммен айналысу құқығына ие болады
pixabay.com
Қазақстанда фермерлерге өздеріне тиесілі жер телімдерінде агротуризммен айналысуға рұқсат етіледі. Бұл туралы Үкімет отырысында Ауыл шаруашылығы министрі Ербол Мырзабосынов мәлімдеді, деп хабарлайды Altainews.kz тілшісі Үкіметке сілтеме жасап.
Министрдің айтуынша, бұл бастама ауыл шаруашылығын қолдау және туризмді дамыту шаралары аясында жүзеге асырылып отыр.
– Фермерлерге өздеріне қарасты жер телімдерінде агротуризммен айналысу құқығын беру ұсынылады. Қазіргі таңда елімізде 200 мыңнан астам шаруа қожалығы бар. Бұл шара ауыл тұрғындары үшін қосымша жұмыс орындарын ашуға, ауылдық аумақтардың әл-ауқатын арттыруға мүмкіндік береді, – деді Ербол Мырзабосынов.
Агротуризм — ауылдық аймақтарда туристерге шаруашылық өмірмен танысуға, табиғат аясында демалуға, ұлттық дәстүрлер мен тағамдарды көруге мүмкіндік беретін бағыт. Министрлік өкілдерінің айтуынша, бұл сала шетелдік тәжірибеге сүйене отырып, Қазақстанда да жаңа серпін алуы мүмкін.
Оқи отырыңыз
Аграрлық ЖОО-лардың түлектері міндетті түрде ауылда жұмыс істейтін болды«Ауыл аманаты» және «Жер аманаты»: Тарбағатай ауданында не атқарылды?2027 жылы дзюдодан әлем чемпионаты Қазақстанда өтеді2025 жылға қарай Қазақстанда ауыл шаруашылығы техникасын өндіру 300 млрд теңгеге жетпекАлтай ауданында ауыл туризмі дамып келеді
