Ресейлік қонақтар Мәңгілік алауға гүл шоқтарын қойды (видео)
Шығыс Қазақстан облысы әкімінің орынбасары Ербол Нұрғалиев пен Алтай өлкесі Үкіметі төрағасының орынбасары – губернатор әкімшілігінің басшысы Виталий Снесарь Өскемендегі «Жеңіс» мемориалдық кешенінде орналасқан Мәңгілік алауға гүл шоқтарын қойды, деп хабарлайды Altainews.kz тілшісі.
Делегация Ұлы Жеңістің 80 жылдығына орай арнайы концерттік бағдарламамен өңірге келді.
– Әріптестерімізге үлкен ризашылығымызды білдіреміз. Бұл – ортақ жеңіс. Біз ата-бабаларымыздың ерлігін ешқашан ұмытпауымыз керек және оны жас ұрпаққа жеткізе білуіміз қажет. Аймақта мерейтойға орай түрлі іс-шаралар жоспарланған. Бүгінгі шара – солардың бастауы, – деді Ербол Нұрғалиев.
Оның айтуынша, алдағы күзде ШҚО мәдени ұйымдары Ресей Федерациясына барып, өнер көрсетуді жоспарлап отыр. Бұл – мәдени байланысты одан әрі нығайтуға бағытталған қадам.
Фото: Жібек Нұрахмет
Видео: Евгений Щетников
Оқи отырыңыз
