Шығыс Қазақстан облысында көктемгі уылдырық шашу маусымына байланысты балық қорын қорғауға бағытталған жедел-профилактикалық іс-шаралар басталды, деп хабарлайды Altainews.kz тілшісі.

16 сәуір мен 30 мамыр аралығында полиция қызметкерлері, балық қорғау инспекторлары және табиғатты қорғау мекемелері бірлесіп рейдтер жүргізіп жатыр. Олар су айдындарын патрульдеп, көлік құралдары мен сауда орындарын тексеруде.

Құқық қорғау органдары табиғи ресурстарды қорғау — әр азаматтың міндеті екенін ескертеді. Тәртіп бұзғандарға әкімшілік жаза — айыппұл, балық аулау құралдары мен көлік құралдарын тәркілеу, ал табиғатқа залал келтірген жағдайда қылмыстық жауапкершілік қарастырылған. Азаматтарға браконьерлік әрекеттерді байқаған жағдайда «102» нөміріне немесе ең жақын полиция бөліміне хабарлау ұсынылады.