“Қазгидромет” ШҚ филиалының хабарлауынша, 11 мамыр күні өңірдің солтүстігі мен шығысында күн күркіреп, қатты жаңбыр жауады, кей жерлерде бұршақ жаууы мүмкін. Сол күні найзағай ойнап, батыстан және оңтүстік-батыстан соғатын желдің жылдамдығы 15-20 м/с, екпіні 25 м/с-қа дейін жетеді. Сонымен қатар, облыстың солтүстік-батысы мен оңтүстігінде жоғары өрт қаупі сақталады, деп хабарлайды Altainews.kz тілшісі.

Өскемен қаласында да найзағай күтіледі. Жел бағыты – батыс және оңтүстік-батыс, күндіз екпіні 15-20 м/с дейін күшейеді.

Қауіпсіздік шаралары:

    •    Найзағай кезінде ашық алаңда жүгірмеңіз және дүрбелеңге салынбаңыз;
    •    Электр желілері мен биік ағаштарға жақындамаңыз;
    •    Металл қоршаулар, болат құбырлар, темір жолдар маңында тұрмаңыз;
    •    Ауылшаруашылық техникасы, мотоцикл және велосипед сияқты көліктерден аулақ болыңыз;
    •    Тоған жанында шомылмаңыз, қайықпен жүзбеңіз;
    •    Жел кезінде үйдің қабырғасында, аялдамада, билборд астында немесе ағаш түбінде жасырынбаңыз;
    •    Үзілген сымдар мен шатағалы тұрған белгілерден аулақ болыңыз;
    •    Көлігіңізді гаражға қойыңыз, егер гараж болмаса, оны ескі немесе шіріген ағаштардың жанына қалдырмаңыз.