14 мамырда Қазақстан аумағында ауа райы айтарлықтай ысып, кей өңірлерде аптап ыстық күтіледі, деп хабарлайды Altainews.kz тілшісі .

Шығыс Қазақстанда, соның ішінде Өскемен мен Семей қалаларында күн жауын-шашынсыз, температура 30–32 градусқа дейін көтеріледі. Өскеменде оңтүстік-батыстан соғатын жел 5–10 м/с жылдамдықпен соғады. Түнде 13–15 градус жылы.

Ал еліміздің оңтүстік өңірлерінде нағыз аптап тіркелмек. Қызылордада күндіз ауа температурасы 42 градусқа дейін барады. Шымкент, Тараз, Түркістан қалаларында да 35–38 градус аралығында қатты ыстық болады.

Астанада да күн ашық әрі ыстық болады — 31–33 градус. Алматы мен Қонаевта ауа температурасы 30–33 градус шамасында. Жезқазғанда 35 градусқа дейін ысиды.