Өскеменде энергия үнемдеу мен көріктендіру қатар жүзеге асырылуда
Қаланың келбетін жақсартумен қатар, тұрғын үйлердің энергия тиімділігін арттыру мақсатында көпқабатты үйлердің қасбеттері ретке келтірілуде, деп хабарлайды Altainews.kz тілшісі.
Өскемен қаласы әкімдігінің хабарлауынша, шаһарда көппәтерлі тұрғын үйлердің қасбеттерін жаңарту жұмыстары жалғасуда. Жоба аясындағы алғашқы кезеңде Назарбаев даңғылы бойындағы 14 үй жаңартылмақ.
— Қазір бірқатар нысанда негізгі жөндеу жұмыстары жүргізілуде. Атап айтқанда, қасбетті тазалау мен тегістеу, сылақ қабатын қалпына келтіру және атмосфераға төзімді бояумен сырлау жүріп жатыр. Сонымен қатар, су ағызу құбырлары мен сәндік элементтер – балкондар мен кондиционерлік құрылғылар орнатылатын ойықтардың қаптамалары жөнделуде немесе жаңасымен алмастырылуда, — деп хабарлады қала әкімдігінен. — Бұл бастама тек қаланың сыртқы келбетін жақсарту үшін емес, сонымен қатар үйлердің энергия үнемдеу мүмкіндігін арттыру үшін қолға алынды.
Барлық құрылыс жұмыстары тиісті нормалар мен ережелерге сай, әрбір үйдің техникалық жай-күйін ескере отырып жүргізілуде. Қасбеттердің түс гаммасы қала сәулет қызметінің ұсыныстары мен тұрғындардың пікірлері негізінде таңдалуда.
Елизавета Седых
Фото: Видеодан скриншот
Видео: Өскемен қаласы әкімдігінен
Оқи отырыңыз
