Назарбаев даңғылындағы үйлердің қасбеттері жөнделіп жатыр – Өскемен
Өскемен қаласының әкімі Жақсылық Омардың айтуынша, осы жазда барлығы 21 үй жөнделеді.
Үш жылда 100 үйді жөндеу жоспарлануда. Назарбаев даңғылындағы үйлер бірінші кезекте. Өйткені олардың қасбеттері шұғыл жөндеуді қажет етеді әрі өткен ғасырдың ортасында салынған ескі үйлер, деп хабарлайды Altaynews тілшісі.
– Бұл жағдайда сылау, бояу және қалпына келтіру жұмыстары тек алдыңғы жағынан ғана емес, сонымен қатар аулаға қарайтын ішкі қабырғаларға да жүргізіледі. Жөндеу жұмыстары қаланың осы бөлігіне біртұтас сәулеттік көрініс беруі керек. Атқарылған жұмысқа мердігердің кепілдіктері үш жылға, ал бояудың өзіне 10 жылға беріледі. Үйлер бірыңғай сары түске боялады, – деді Жақсылық Омар.
Биыл Нұрсұлтан Назарбаев даңғылы бойында орналасқан 3,5,7,9,11,2,6,8,10,12,14, 18, 20, 51, 62, 64, 70, 72, 74 мекенжайындағы үйлердің қасбеттері жөнделеді, сондай-ақ Потанин көшесіндегі 13 және 17 үйлер де бар.
Алдағы екі жыл ішінде Қазақстан және Потанин көшелеріндегі үйлердің қасбеттерін жөндеу жоспарланып отыр.
Оқи отырыңыз
