«Shygys Aibyn-2025» облыстық жарысының жеңімпаздары халықаралық байқауға дайындалуда. Көктем мезгілінде Өскемен гарнизонындағы 27943 әскери бөлімнің аумағында өткен «Shygys Aibyn-2025» облыстық әскери-патриоттық жарысында Алтай қаласындағы С.Нұрмағамбетов атындағы мектептің оқушылары жүлделі орын иеленіп, халықаралық деңгейде өңір намысын қорғау мәртебесіне ие болды, деп хабарлайды  Altainews.kz тілшісі.

Қазіргі таңда алтайлық жас сарбаздар Ақтөбе қаласында өтетін республикалық «AIBYN-2025» байқауына дайындық үстінде. 

Жаттығу барысында оқушылар саптық даярлық, әскери-қолданбалы спорт түрлері, алғашқы медициналық көмек көрсету және тактикалық іс-қимылдар бойынша білім-білік деңгейлерін шыңдауда. 

Жарысқа Қазақстанның барлық өңірлерінен бөлек, 11 шет мемлекеттен де оқушылар қатысуға өтінім беріп отыр.

Айта кетейік, Шығыстың жас айбындары 19 маусым күні ауқымды додаға қатысу үшін жолға шығады.