Шығыс Қазақстанда шегірткеге қарсы шаралар күшейтіледі. Өңір әкімдігінде өткен кеңейтілген отырыста биылғы жылдың негізгі жетістіктері мен мәселелері талқыланды. Жиын барысында зиянкес шегірткелердің таралу мәселесі көтеріліп, жағдайға қатысты нақты тапсырмалар берілді. Әсіресе Самар ауданындағы ахуал әкім назарына алынды, деп хабарлайды Altainews.kz тілшісі.

Облыс әкімі Нұрымбет Сақтағанов ауыл шаруашылығы басқармасынан бұл жағдайға қандай нысаналы шаралар жасалғанын сұрады.

Ауыл шаруашылығы басқармасы басшысы Ажар Қажыбекова бұл жағдайға байланысты:

Оның айтуынша, күзде арнайы мамандар жергілікті жерлерде тексеріс жүргізіп, шегірткелердің ұя салған жерлерін қарап шығады. Соның нәтижесінде ғана келесі жылға болжам жасалып, қанша жерге таралуы мүмкін екені белгілі болады.

Жиында облыс әкімі бұл қауіптің тек көрші облыстардан емес, тіпті шетелден де келуі мүмкін екенін айтып, шекаралас елдермен де жұмыс істеу керектігін ескертті.

Видео: Евгений Щетников