ШҚО-да қатты жаңбыр, бұршақ, дауыл мен найзағай күтіледі
depositphotos.com
«Қазгидромет» РМК ШҚО филиалының дерегінше, 11 қыркүйекте облыстың батысында, солтүстігінде және оңтүстігінде қатты жаңбыр жауып, күндіз бұршақ түсуі, дауыл соғып, найзағай ойнауы ықтимал. Түнде және таңертең солтүстік пен шығыста тұман түседі. Жел шығыстан және солтүстік-шығыстан соғып, күндіз облыстың батысы, оңтүстігі мен орталығында жылдамдығы 15-20 м/с-қа дейін, екпіні 23 м/с-қа дейін жетеді, деп хабарлайды Altainews.kz тілшісі.
Өскемен қаласында да кей уақыттарда қатты жаңбыр жауып, найзағай ойнайды, күндіз бұршақ күтіледі. Түнде және таңертең тұман түседі. Желдің екпіні секундына 15-18 метрге жетуі мүмкін.
ШҚО ТЖД өңір тұрғындары мен қонақтарын абай болуға шақырады.
– Қауіпті ауа райы кезінде тұрғындарға аса мұқият болған жөн. Әсіресе жолда көлік жүргізушілері жылдамдық режимін сақтап, арақашықтықты қадағалауы қажет. Найзағай кезінде үйде қалып, терезе мен есікті мықтап жауып, электр құрылғыларын қуат көзінен ажырату ұсынылады. Желдің күшеюі кезінде сымдарға, ағаштарға және металл қоршауларға жақындамаған дұрыс. Төтенше жағдай туындаған жағдайда 112 нөміріне хабарласу қажет, – деп мәлімдеді ШҚО ТЖД.
Оқи отырыңыз
8 қыркүйекте бірқатар өңірлерде дауыл, бұршақ және шаңды дауыл күтіледіЖексенбіде еліміздің бірқатар өңірінде дауыл тұрып, аптап ыстық болатыны болжандыБүгін ШҚО-да нөсер жаңбыр, бұршақ пен дауыл күтіледіШҚО тұрғындарына ескерту: найзағай, бұршақ, дауыл және қатты жел күтіледіШҚО-да ертең жаңбыр жауады
