Өскемен қаласының мемлекеттік кірістер басқармасында кәсіпкерлерге «Amian» мобильді қосымшасы мен «Салық кэшбэк» функциясының артықшылықтары таныстырылды, деп хабарлайды Altainews.kz тілшісі.

Басқарманың жеке кәсіпкерлерді әкімшілендіру бөлімінің бас маманы Илияс Ескермесовтің айтуынша, «Amian» қосымшасы Мемлекеттік кірістер комитетінің цифрлық бастамалары аясында енгізілген.

Семинар барысында кәсіпкерлерге қолма-қол және қолма-қол емес есеп айырысу кезінде деректерді онлайн беретін бақылау-кассалық машиналарды міндетті түрде пайдалану керектігі ескертілді. Бұл талап ҚР Салық кодексінде нақты көрсетілген. Жүйенің негізгі мақсаты – есеп айырысудың ашықтығын қамтамасыз ету, тұтынушылар құқығын қорғау және бизнеске деген сенімді арттыру.

Сонымен қатар, салықтық әкімшілендіруді жетілдіру үшін тәуекелдерді басқару жүйесі енгізілуде. Ол ықтимал заңбұзушылықтарды автоматты түрде анықтап, адами факторды азайтады және салық төлеуден жалтару қаупі жоғары кәсіпкерлерге бақылауды күшейтуге мүмкіндік береді.

Фото: Жібек Нұрахмет