Шығыс Қазақстан облысының әкімі Нұрымбет Сақтағанов Мәжіліс депутаттарымен кездесіп, өңірдің әлеуметтік-экономикалық дамуына қатысты бірқатар маңызды мәселелерді талқылады, деп хабарлайды Altainews.kz тілшісі облыс әкімінің баспасөз қызметіне сілтеме жасап.

Атап айтқанда, «Ауыл» партиясы фракциясынан Мәжіліс депутаты Ерболат Саурықовпен өткен кездесуде ауыл шаруашылығын дамыту, елді мекендердегі инфрақұрылымды жақсарту және ішкі туризмді өркендету мәселелері сөз болды.

Ал Respublica партиясынан Мәжіліс депутаты Динара Наумовамен болған жүздесуде әлеуметтік кәсіпкерлікті дамыту, ерекше қажеттілігі бар азаматтарды жұмыспен қамту және олар үшін қолайлы еңбек жағдайын жасау тақырыптары көтерілді.

Өңір басшысы бұл бағытта облыста жүйелі жұмыс жүргізіліп жатқанын атап өтті.