Астанада Шығыс Қазақстан облысы өнерпаздарының концерті өтті
V Дүниежүзілік Көшпенділер ойындары аясында «Көшпенділер әлемі» этноауылында Шығыс Қазақстан облысының «Думанды дала» атты концерттік бағдарламасы ұйымдастырылды.
Концертте өңірдің әншілері мен өнерпаздары, сазгер, этномузыкант Еділ Құсайынов өз өнерлерімен дүйім жұртты паш етті. Әншілердің әуезді әндері мен театр әртістерінің көркем қойылымдары көрермендердің көңілінен шығып, ерекше әсер қалдырды.
Шараға Астана қаласының тұрғындары, шетелден арнайы келген қонақтар, сондай-ақ зиялы қауым өкілдері қатысты. Келушілер қазақ халқының бай мәдениетімен танысып, өнерпаздардың өнеріне жоғары баға берді.
“ Шығыс Қазақстан облысынан дүниежүзілік көшпенділер ойындарына әншілер, театр актрелері, музей қызметкерлері, қолөнер шеберлері, жалпы жиыны 400-ге жуық адам келді. Бүгін өнерпаздарымыздың қатысуымен концерттік бағдарлама өтті. Келушілер жоғары бағасын беріп, ризашылықтарын білдіруде. Сонымен қатар осы шара аясында “Барқытбел” этно ансамблінің концерті де өтетін болады”, деді ШҚО мәдениет басқармасы басшысының міндетін атқарушы Самат Қасенов.
Оқи отырыңыз
