Алтай альпісінде әуесқойлар арасында тау шаңғысы мен сноубордтан Глубокое ауданының ашық біріншілігі өтеді.

Жарысқа 16 жастан асқан үміткерлер қатыса алады, деп хабарлайды Altaynews.kz тілшісі.

Ашық біріншілікте әр бағыт бойынша жеңімпаз атанғандар Глубокое ауданы әкімдігінің қатысуымен ақшалай сертификаттармен және грамоталармен марапатталады. Жарыстың жалпы жүлде қоры - 1 млн 200 мың теңге.

Сайыстың іріктеу кезеңі 3 қаңтарда сағат 9:00-де өтеді.

Қатысушыға қойылатын талаптар:

• шаңғы немесе сноубордтың болуы;
• міндетті түрде шлемнің болуы;
• 16 жастан асқан болуы.

Айта кетелік, жарысқа кез келген әуесқой қатыса алады.