Колоректальды қатерлі ісік Шығыс Қазақстандағы жетекші онкопатологиялардың бірі болып қала береді. Анықталған жағдайлардың саны бойынша бүкіл қатерлі ісік ауруларының ішінде бұл дерт үшінші орында. 2023 жылы аймақта ішектің қатерлі ісіктерінің 245 жағдайы тіркелді. Ауру ерлерде де, әйелдерде де бірдей жиілікте кездеседі және негізінен 50 жастан асқан адамдарда кездеседі.

Шығыс Қазақстан облысының көпсалалы онкология және хирургия орталығының іш қуысы онкохирургы Данияр Манаков колоректальды қатерлі ісіктің пайда болуына қоршаған орта мен тамақтану факторлары, сондай-ақ алкогольдік ішімдіктерді қолдану жағдайлары әсер етенін айтады.

Бүкіл Қазақстанда колоректальды обырмен сырқаттанушылықтың жоғары деңгейі байқалады. Сондықтан 2008 жылдан бастап елде ұлттық скринингтік бағдарлама жұмыс істейді, оның ішінде ішек онкопатологиясын ерте диагностикалауды атап өтуге болады. Колоректальды қатерлі ісіктің алғашқы сатысында анықталуы аурудың болжамын едәуір жақсартады.

Дәрігер атап өткендей, пациенттер бұл зерттеулерді облыстық көпсалалы онкология және хирургия орталығында тапсыра алады. Колоноскопия седация кезінде жүзеге асырылады, бұл жағымсыз, ауырсынуды болдырмауға және азаматтар үшін максималды жайлылықпен қажетті емшараны жүргізуге мүмкіндік береді. Сондай-ақ онкологиялық орталықта науқастарға  көмек көрсету үшін диагностикалық қызметтердің барлық спектрі бар: седация кезіндегі бейнеколоноскопия, ирригоскопия, виртуалды колоноскопия, сараптамалық сыныптағы ультрадыбыстық аппараттар, заманауи, озық КТ және МРТ аппараттары бар.

Облыстың көпсалалы онкология және хирургия орталығында колоректальды қатерлі ісік туралы хабардарлықты арттыру бойынша қазақстандық айлығы аясында Ашық есік күні өтеді. 30 наурыз сағат 09.00 - ден 13.00-ге дейін барлық ниет білдірушілер онкологтардың қабылдауына келіп, білікті кеңес ала алады. Өзіңізбен бірге жеке куәлік алуыңыз керек. Учаскелік дәрігердің жолдамасы талап етілмейді.