Тау шаңғысы туризмінің мәселелерімен танысты – ШҚО
Фото: редакция мұрағатынан
ҚР Сенатының туризмді дамыту комитетінің депутаттары Шығыс Қазақстан облысында тау шаңғысы туризмінің мәселелерімен танысты, деп хабарлайды Altainews.kz тілшісі.
ШҚО Кәсіпкерлер палатасы баспасөз қызметінің ақпараты бойынша, Сенаттың туризмді дамыту жөніндегі республикалық комитетінің өкілдері тау шаңғысы туризмін дамыту мәселелерінің ауқымын бағалау үшін «Алтай альпісі» тау шаңғысы кешеніне барды.
«Кәсіпкер Александр Чиликин орман қорының жерлеріне қатысты заңнамаға өзгерістер енгізуді ұсынады. Осы қызмет түріне инвестиция тарту үшін жерді жеке меншікке беру қажет», - деді ШҚО Кәсіпкерлер палатасының директоры Қайрат Мамырбаев.
Александр Чиликиннің айтуынша, тау шаңғысы бизнесін дамытуға мүмкіндік несиелеу шарттарының қиындығы, туризмді дамыту және инвестициялау үшін жер меншікке берілмейтіні кедергі келтіретінін айтты.
«Елімізде «басым туристік аумақтар» ұғымы бар, бірақ жұмыс жүйелі емес. Алдағы уақытта заңнамалық мәселелер реттеледі деп үміттенеміз»,-делінген хабарламада.
Оқи отырыңыз
