Шығыс Қазақстан облысында 98 балаға алимент төлемеген 75 әке құмар ойынға 100 млн теңге ақша салған, деп хабарлайды Altainews.kz тілшісі.

Нақтырақ айтқанда, Шығыс Қазақстан облысында 98 балаға жалпы 84 млн теңге қарызы бар 75 алимент төлемеген әкнеің соңғы 3 жылда букмекерлік кеңсенің пайдасына 100 млн теңге бергені анықталған. Облыстық прокуратураның мәліметінше, олар онлайн ойындардан ерікті түрде бас тартып, өздеріне шектеу қойдырған.

Мысалы, Өскеменде 1,5 млн теңге алимент қарызы бар борышкер онлайн ойынға 7 млн теңге ақшасын құртқан.

Бүгінгі таңда алимент төлемеу бойынша қылмыстық істерді тоқтату туралы 2 шешімнің күші жойылып, қосымша тергеуге жіберілген. Сондай-ақ құмар ойынға бәс тігетін тұлғалар туралы деректер де алимент төлеуден жалтарудың дәлелі бола алатындығын біле жүрген жөн.