Бүгін Мемлекет басшысы Қасым-Жомарт Тоқаевтың «Таза Қазақстан» жалпыұлттық бастамасы аясында Ұлан ауданының Қасым Қайсенов кентінде Ұлы Жеңістің 80 жылдығына арналған ағаш отырғызу экологиялық акциясы өтті.

Шара барысында барлығы 950 түп ағаш көшеті егілді. Олардың қатарында 500 түп қайың, 200 түп пирамида терегі, 100 түп шырша, 100 түп тау күлі және 50 түп қарағай бар. Көгалдандыру жұмыстары тұрғын үйлердің маңында, сондай-ақ ұйымдар, білім беру мекемелері және әлеуметтік маңызы бар нысандар аумағында жүргізілді.

Ағаш отырғызу жұмыстары алдағы уақытта да жалғасын табады. Ұлан ауданының тұрғындары экологиялық жағдайды жақсартуға және туған өлкені көркейтуге өз үлестерін қосуға шақырылады.